مقبرة في مخ الانسان

الكاتب الروسي " Andrei Tarkovsky " في فيلمه Nostalgia - 1983 كان بيقول : ( Unspoken feelings are unforgettable ) بمعني ( المشاعر الغير مصرح بيها غير قابلة للنسيان ) ... مبدأيا لازم نفرق بين الكبت Repression و القمع Suppression ,, فالكبت عملية لا إرادية يعني أنا غصب عني عقلي نسي حادثة معينه , أما القمع انا بأرادتي دفعت عقلي أنه ينسي حادثة معينة .. بس هل فكرة النسيان سواء عن قمع او كبت هي فكرة نهائية ؟؟؟ العقل الأنساني بيتعامل مع الحوادث الحياتيه او الذكريات سواء مواقف او مشاعر بشكل أشد تعقيدا مما نتخيل , فالموضوع مش عبارة عن سلة مهملات رمينا فيها الذكري او الشعور اللي مش عاوزينه فخلاص كدة حينتهي من الوجود , أنما ده عالم كبير أسمه اللاوعي لغاية وقتنا ده علماء النفس مش عارفين يوصلوا لكل مداخله .. بس اللي فيه أجماع عليه ان بالرغم من تعقيد و ضبابية اللاوعي إلا انه المسيطر الأكبر و هو المحرك الرئيسي لسلوك الإنسان من خلال الـ cognitive load أو المجهود المعرفي فشعورك اللي انتا عاوز تنساه باي شكل او الذكري اللي انتا نازل تضغط عليها عشان تختفي من مخك بتطلع عليك بتأثير أقوي من الاول و تبان في شخصيتك و افكاركك حتي و لو انتا مش واخد بالك .. فالكلمة اللي انتا مكانتش عاوز تقولها حتفضل تطاردك , و القرار اللي ماكنتش عاوز تاخده حيفضل يعكنن عليك حياتك , و الشعور اللي انتا مردتش تصرح بيه حيكون زي علامة في كل خطوة تفكر فيها في حياتك ! .. فبمجرد نزول اي حاجة لطبقة اللاوعي تأكد انها حتكون اعنف و اشرس من الأول .. و عشان كدة القمع المستمر للمشاعر و الأفكار عمره ما كان حل جذري أنما مجرد مخدر مؤقت بيسبب أثار سلبية كتير في حياة الإنسان ده .. ففي النهاية فرويد بيقول : ( Unexpressed emotions will never die. They are buried alive and will come forth later in uglier ways ) .. فالمشاعر الغير معلنة عمرها ما بتموت أنما بتتدفن حية و ترجع للظهور تاني في اشكال أقبح ..!

شارك الموضوع إذا أعجبك

share

masonline